Сур’ёзна, а часам і з гумарам, ставіцца Антон Анісовіч да жыцця і творчасці. З павагай і захапленнем чытаюць яго творы землякі. Яркі і харызматычны ён умее падаць сябе, дакладна і аргументавана данесці сваю думку да людзей розных пакаленняў, выказаць сваю грамадзянскую і жыццёвую пазіцыю. Крэатыўнае мысленне і педагагічны вопыт дазавляюць яму лёгка знаходзіць з моладзю паразуменне і весці з ёй цікавую і грунтоўную размову. А яго бясконцая любоў да радзімы і добрае веданне яе гістарычнага мінулага заслугоўваюць павагі шматлікіх прыхільнікаў яго творчасці.

І сёння ў нас ёсць нагода выказаць словы віншавання Антону Браніслававічу: ва ўрачыстых абставінах ён атрымаў пасведчанне члена Саюза пісьменнікаў Беларусі. Шматлікія прыхільнікі яго творчасці, удзельнікі народнага літаратурнага клуба "Выток", бібліятэкары раёна жадаюць яму творчага натхнення і з нецярплівасцю чакаюць новых выданняў!