ГОД МІРУ І СТВАРЭННЯ.

Сёлета люты ў жыцці паэта-земляка, удзельніка народнага літаратурнага клуба “Выток” Антона Анісовіча багаты на святы і дасягненні. Сярод іх – далучэнне да Саюза пісьменнікаў Беларусі і асабісты 75-гадовы юбілей. 

Таму менавіта ў святочны дзень, 23 лютага 2023 года, адбылася яго творчая сустрэча з супрацоўнікамі ДУ “Дзяржынская раённая цэнтралізаваная  бібліятэчная сістэма”, якая і пачалася з віншавальнай старонкі. На працягу гадзіны аўтар дзяліўся з прыхільнікамі яго творчасці лірычным настроем, патрыятычнымі думкамі, філасофскімі разважаннямі і тонкім гумарам. Нізка вершаў была прысвечана і неабходнасці захавання гістарычнай памяці і міру. Сваімі паэтычнымі радкамі аўтар дакрануўся да душы кожнага з прысутных і падарыў ім шмат станоўчых эмоцый.