Калі душа чалавека неабыякава да свету кніг і вершаў, тады ён імкнецца свой вольны час правесці каля бібліятэчных паліц і сярод творчых людзей. У апошнюю нядзелю лютага ў чытальнай зале Дзяржынскай цэнтральнай раённай бібліятэкі адбылося чарговае пасяджэнне народнага літаратурнага клуба “Выток”. Падчас яго паэты ўзбагацілі свае веды пра родную мову і пазнаёміліся з цікавымі фактамі з жыцця Каруся Каганца, 155-годдзе якога адзначаецца сёлета. Творчыя заданні і магчымасць паразважаць над цяжкасцямі вершаскладання спрыялі стварэнню нататкаў для новых вершаў. А ўражанні ад наведвання выставы аўтарскіх фотаработ беларускага мастака Уладзіміра Цвірко “Сілуэты спадчыны” нагадалі прысутным прыемныя ўспаміны з асабістых вандровак па роднай Беларусі.