У Баравікоўскай інтэграванай сельскай бібліятэцы прайшоў урок-перасцярога “Азбука бяспекі: беражы сябе для жыцця!”. Надыходзяць летнія канікулы і настала неабходнасць паўтарыць, якія меры прафілактыкі патрэбна саблюдаць, каб захаваць сабе здароўе. Навучэнцы разам з бібліятэкарам паўтарылі правілы бяспечных паводзін у час узнікнення пажару, пры карыстанні электрапрыборамі, у час адпачынку ў лесе. Школьнікі паказалі добрыя веды па правілах паводзін каля вадаёмаў. Таксама паўтарылі правілы бяспечных паводзін у сетцы Інтэрнет, адказалі на пытанні тэста па правілах дарожнага руху. Усе ўдзельнікі мерапрыемства пазнаёміліся з літаратурай  па здароваму ладу жыцця.