Вершаваным радком пра гісторыю свайго лёсу і сваё стаўленне да жыццёвых падзей паведаў дзяржынскім бібліятэкарам член Саюза пісьменнікаў Беларусі, удзельнік народнага літаратурнага клуба “Выток” Антон Анісовіч. Гэты шчыры сповед душы ён таксама адлюстраваў на старонках свайго новага паэтычнага зборніка “Зоркі над Дзяржыншчынай”, які ўжо знаходзіцца ў кожнай бібліятэцы раёна. Таму ў шматлікіх прыхільнікаў яго творчасці з’явілася дадатковая нагода наведаць мясцовую бібліятэку і дакрануцца да “зорак” паэта-земляка. Дарэчы, у кожнай кнізе аўтар пакінуў чытачам аўтограф з пажаданнямі міру і дабрабыту.