На днях адбылося прыгожае свята вёскі Свідоўшчына Путчынскага сельскага Савета. Да гэтай падзеі бібліятэкар Валмянскай інтэграванай сельскай бібліятэкі падрыхтавала выставу “Сэрцу мілы куточак”, на якой былі прадстаўлены дакументальна-краязнаўчыя рэсурсы: “Старонка родная мая”, “Гісторыя калгаса “Мір”, “Калі нараджаюцца і знікаюць вёскі”, “Героі даўно адгрымеўшай вайны”, “Знакамітыя людзі Волменшчыны”, “Касцёл святога Яна” і  інш.  Асаблівую цікавасць у жыхароў і гасцей свята выклікала выданне пра гісторыю вёскі Свідоўшчына “З гісторыі вёскі і лёсаў людзей”  пра першых жыхароў, заснавальнікаў вёскі,  аб лёсах  людзей, якія тут  жылі раней і  сучасніках-аднавяскоўцах.

Бібліятэкар пазнаёміла прысутных з гісторыяй маёнтка Капыліншчына,  расказала легенду аб узнікненні вёскі Свідоўшчына і гісторыю з’яўлення іконы Святога Роха. На мерапрыемстве быў уручаны памятны падарунак жыхару вёскі, былому бібліятэкару Валмянскай сельскай бібліятэкі, Баршчыэўскай Святлане Віктараўне.